களைப்பும் களிப்பும்

ஏற்றம் பிடித்த கையால்

ஏர் உழுத களைப்பால்

அலுப்புடன் காத்திருந்தேன்

அவள் வருகையை நோக்கி


வயல்வெளி ஓரத்தில்

அன்னம்போல் நடந்து

அன்னக்கூடையுடன்

அழகுடனே அவள் வந்தாள்


கொஞ்சிப்பேசவில்லை

கெஞ்சியது வயிறு

கொஞ்சம் பருகினேன்

கொண்டுவந்த கஞ்சியை


முத்துக்கள் என் நெற்றியிலே

முந்தானையால் துடைத்தாள்

முத்துப்பல் தெரியும் முறுவலில்

முழுநிலவாய் தெரிந்தாள்